பிரவாகம்

2008 - என் வாழ்க்கைல மறக்க முடியாத மறக்க விரும்பாத வருஷம்.. என்னைக்குமே நெனச்சு பாத்து சந்தோஷப்பட ஏகப்பட்ட சந்தோஷமான நினைவுகள்... சில புதிய நண்பர்கள்.. பல ஊர் சுற்றல்கள்.. நிறைய சந்தோஷங்கள்.. நெனச்சு பாக்கும் போதே மனசு நெறஞ்சிருக்கு :) ஆனா அதே சமயம் இழக்கவே கூடாதுன்னு ஆசைப்பட்ட ஒரு விஷயத்த சின்ன பைத்தியக்காரத்தனமான செயலால இழந்ததும் இந்த வருஷம் தான்.. :(

சரி சரி.. வழக்கம் போல.. சோகத்த பத்தி இங்க நோ டாக்கிங் :) ரொம்ப சந்தோஷப்படுத்தின விஷயாங்கள்னு பாத்தா...

* ஆகஸ்ட் 31 (இதுக்கு டீடெய்ல்ஸ் எல்லாம் கேக்கபுடாது :P)

* என் உயிர் தோழி ஊருக்கு கிளம்பறதுக்கு முன்னாடி குடுத்துட்டு போன ஸ்பெஷல் பரிசு ;)

* யூ.எஸ். ல இருக்கற என் ஃப்ரெண்ட் "எனக்கு லீவ் இருக்கு.. ஆனா ஊருக்கு வந்து உடனே வெட்டி முறிக்கற வேலை எதுவும் இல்லை.. அதனால உன் பிறந்தநாளுக்கு அங்க இருக்கற மாதிரி வரேன்"னு சொல்லி என் பிறந்தநாள் அன்னிக்கு என் கூட இருந்தது

* ஒரு நாள் என் ஃப்ரெண்ட் என்ன உட்காரவெச்சு நான் அவளுக்கு எவ்ளோ முக்கியம்னு சொன்னது

* கொஞ்ச நாள் அமைதி புள்ளையா மாறலாம்னு ஆசைப்பட்டா.. "அப்படி எல்லாம் உங்கள இருக்க விட மாட்டோம்"னு சொல்லி மீண்டும் ஓரளவுக்கு ஆக்டிவ்-ஆக மாற்றிய நண்பர்களின் அக்கறை

* Last but not least என் புது கேமரா :)

2009 - பெருசா ஏதும் எதிர்பார்ப்புகள் இல்லாட்டியும் ஒரு சிறு ஆர்வத்தோடவே வரவேற்கும் வருஷம்.. பார்ப்போமே.. எப்படி இருக்குன்னு :)



எல்லோருக்கும் இனிய புத்தாண்டு வாழ்த்துக்கள் :) இந்த புதிய ஆண்டில் எல்லோருடைய கனவுகளும் நிஜமாகட்டும்.. சந்தோஷம் பூத்து குலுங்கட்டும் :)

என்னுடைய 143-வது ஸ்பெஷல் பதிவு ;)


தனிமை.. வரமா? சாபமா?
துணையாய்
உன் நினைவுகள் உடன்வரும்வரை
தனிமையும் வரமே !!


சிரிப்பான் மட்டும் சுமந்து வரும்
உன் மடலுக்கு மட்டுமே தெரியும்
உன்னுடைய அந்த ஒற்றை புன்னகையே
என் மகிழ்ச்சியின்
பிரவாகம் என்று !!


அழுதுகொண்டிருப்பவளின் அருகில் வந்து
உன் கண்ணீரை சுமக்கும் உரிமை
என் தோள்களுக்கு மட்டுமே உண்டு என்கிறாய்
ஆனால் உன் தோளில் சாய்ந்த மறுநொடி
என் கண்ணீரும் புன்னகையாய் மாறும்
அதிசயம் அறிவாயோ??

எங்க ஆபீஸ்ல ஆல் டைம் கலாட்டா டைம் தான்னாலும் லஞ்ச் டைம் கலாட்டா கொஞ்சம் பலமா இருக்கும். எங்க கும்பல்ல 2 பேர் வேற ப்ளோர்ல இருக்காங்க.. மதியம் சாப்பிடற நேரம் அவங்களும் எங்களோட சேர கச்சேரி கலை கட்டும் :) எப்பவும் நானும் என்னோட இன்னொரு ப்ரெண்ட் ஒருத்தியும் தான் கார்னர் சீட்ல எதிர் எதிர்ல உட்காருவோம். இது எழுதப்படாத சட்டம். அப்படியே தப்பித்தவறி வேற யாராவது உட்கார்ந்தாலும் அவங்கள எழுப்பிட்டு நாங்க உட்காருவோம். அம்புட்டு நல்லவங்க :)

அன்னிக்கும் அப்படித்தான் எல்லாரும் உட்கார்ந்து கதை அடிச்சிட்டே சாப்டுட்டு இருக்கும்போது அங்க FM ரேடியோல வாரணம் ஆயிரம் படத்துல இருந்து நெஞ்சுக்குள் பெய்திடும் மாமழை பாட்டு ஓடிட்டிருந்துது.. நமக்கு புடிச்ச பாட்டுங்கறதால மக்கள் பேசறத கவனிக்காம நான் பாட்டுக்கு பாட்ட கேட்டுட்டிருந்தேன். அதுல கரெக்டா "இவள் பின்னால் நெஞ்சே போகாதே" ங்கற லைன் வரும்போது என்னையும் மறந்து நோ சொல்ல தலையாட்டற மாதிரி ஆட்டிட்டே எதிர்க்க பாத்தா என் ப்ரெண்டும் என்னை பாத்து அதே மாதிரி தலையாட்டிட்டு சிரிச்சா.. நான் என்ன நெனச்சு தலையாட்டினேன்றது அவளுக்கும் அவ என்ன பாத்து எதுக்கு தலையாட்டினாங்கறது எனக்கும் தெரியும்ங்கறதால டக்குனு ரெண்டு பேரும் சிரிச்சிட்டோம் :) மீதி இருந்தவங்க எல்லாம் நாங்க எதுக்கு சிரிக்கறோம்னு தெரியாம எங்கள பாக்க, இது தான் சாக்குனு எங்க கூட இருந்த இன்னொரு ப்ரெண்ட்.. இவங்க எப்பவுமே இப்படித்தான். அவங்களுக்குள்ளே பேசிக்கறாங்க. அவங்களுக்குள்ள சிரிச்சிக்கறாங்க.. ஆனா நம்மள எதாவது டேமேஜ் பண்ணனும்னா மட்டும் பப்ளிக்கா மானத்த வாங்கறாங்கன்னு கம்ப்ளெயிண்ட் பண்ண ஆரம்பிச்சிட்டார்.

நாங்க எப்ப பேசினோம்னு திருப்பி கேட்டா அதான் கண்ணாலயே பேசிக்கறீங்களே அப்படின்னுட்டு.. பசங்க பக்கம் திரும்பி இனிமே நாமளும் கண்ணால தான் பேசிக்கனும்.. இவங்களுக்கு சொல்லகூடாதுன்னு சொல்ல.. இன்னொருத்தர் அப்பிராணியா எதைப்பத்தின்னு கேக்க.. எல்லாரும் செமையா சிரிச்சிட்டோம்.. பாருங்க.. நீங்க வாயால பேசினாலே அவங்களுக்கு புரிய மாட்டேங்குது இதுல கண்ணால வேற பேசப்போறீங்களாக்கும்னு கலாய்க்க.. அவர் உடனே.. பரவாயில்லங்க.. நாங்க தனியா போயாவது பேசிக்கறோம் ஆனா உங்க முன்னாடி மட்டும் பேச மாட்டோம்னு சொன்னாரு. சரி அதையும் பாக்கலாம்னு சொல்லிட்டு கிளம்பிட்டோம்..

இது நடந்து கொஞ்ச நேரம் கழிச்சு.. கண்ணாலயே பேசிக்கறோம்னு சொன்னவர்கிட்ட இன்னொருத்தன் வந்து "நீங்க அன்னிக்கு பாத்தீங்க இல்ல.. அந்த பொண்ணு பேரு.... " அப்படின்னு அந்த பொன்னு பேர சொல்ல.. அவர் உடனே "டேய் இப்போ தான டா கொஞ்ச நேரத்துக்கு முன்னாடி எதுவா இருந்தாலும் இவங்க முன்னாடி பேசாதன்னு சொன்னேன்" னு ஓவரா பீல் பண்ண, நாங்க கூலா "விடுங்க விடுங்க.. உங்கள விட்டா நாங்களும் வேற யாரத்தான் கலாய்க்கறது" ன்னு அப்பாவியா கேட்டோம் :)

டிஸ்கி : இன்னிக்கு வரை அவங்க கண்ணால பேச ஆரம்பிக்கலை ;)

கலாட்டாக்கள் தொடரும்...

மெயின் மேட்டருக்கு போறதுக்கு முன்னாடி நமக்கு இன்னொரு தபா பட்டாம்பூச்சி அவார்ட் குடுத்த எம்.ஜி.நிதிக்கு ஒரு நன்றி சொல்லிக்கறேன்.. எப்பவோ ஒரு முறை குடுத்த புக்க இன்னும் ஞாபகம் வெச்சிருக்கார் நல்லவர் :)

இப்போ மேட்டருக்கு வருவோம்.. பூ.. பட விளம்பரம் பாத்து ஏமாந்து பாக்கணும்னு ஆசைப்பட்ட படம்.. ஆனா படம் முடிஞ்சப்புறம் என்னதாண்டா சொல்ல வர்றீங்கன்னு கேக்கத்தான் தோனுச்சு.. சரி விடுங்க.. அந்த சோகக்கதை நமக்கெதுக்கு.. ஆனாலும் படத்துல ரசிக்கக்கூடிய விஷயங்கள் நிறைய இருந்துச்சு..

கதாநாயகியோட ஓவர் பொசெஸ்ஸிவ் காதல்.. எல்லாமே அவன் தான்.. அவனுக்கு மட்டும் தான்.. எப்பவும் அவன் நெனப்பு தான்னு இருக்கறது.. ஒரு காட்சில அவனுக்கு புடிச்ச கள்ளிபழத்த அவனுக்கு குடுக்க ஓடிப்போய் விழுந்து எழுந்து மேல எல்லாம் அந்த பழத்தோட சாயம் ஒட்டி உட்கார்ந்திருக்கும் போது, அவளோட தோழி அவகிட்ட "நீ அழகா இருக்க"ன்னு சொல்ல.. நம்ம அம்மணி சந்தோஷமா "என் தங்கராசுக்காக நான் எது பண்ணாலும் அழகு தான்டி"னு சொல்லி சிரிக்கும்போது.. நிஜமாவே அம்மணி ரொம்ப அழகு.. கதாநாயகியோட சின்ன வயசு கேரக்டர்ல வந்த பொன்னும் சரி.. கதாநாயகியும் சரி.. சும்மா பொளந்து கட்டி இருக்காங்க :) இப்படியும் ஒரு கண்மூடித் தனமான அன்பை ஒருத்தர் மேல வைக்க முடியுமான்னு அதிசயிக்க வெச்ச கேரக்டர் மாரி :)

படத்துல எனக்கு ரொம்ப புடிச்ச பாட்டு இங்க உங்களுக்காக :)




ஆவாரம் பூ அந்நாளில் இருந்தே யாருக்கு காத்திருக்கு
அந்திப்பகல் மழை வெய்யில் சுமந்தே உனக்காக பூத்திருக்கு

சொந்த வேரோடு தான் கொண்ட காதலினை
அது சொல்லாமல் போனாலும் புரியாதா

(ஆவாரம் பூ..)

காற்றில் ஆடி தினம்தோறும் உனது திசையை தொடருதடா
குழந்தைக்கால ஞாபகத்தில் இதழ்கள் விரித்தே கிடக்குதடா
நெடுநாள் அந்த நெருக்கம் நினைத்தே அது கிடக்கும்
சருகுகள் சத்தம் போடும் தினம் சூழ்நிலை யுத்தம் போடும்
அதன் வார்த்தையல்ல மௌனம் ஆகும்

(சொந்த வேரோடு..)
(ஆவாரம் பூ..)

ஆயுள் முழுதும் தவம் கிடந்தே ஒற்றைக் காலில் நிற்குதடா
மாலையாகி தவழ்ந்திடவே உனது மார்பை கேட்குதடா
பனியில் அது கிடக்கும் நீயும் பார்த்தால் உயிர் பிழைக்கும்
வண்ணங்கள் எல்லாம் நீ தான் அதன் வாசங்கள் எல்லாம் நீ தான்
நீ விட்டுச் சென்றால் பட்டு போகும்

(சொந்த வேரோடு..)
(ஆவாரம் பூ..)

நம்மள இன்னும் இந்த ஊரு நம்பிட்டிருக்குங்கறதுக்கு சாட்சி தான் நம்ப கார்த்திக் குடுத்திருக்கற இந்த பட்டாம்பூச்சி அவார்டு [கார்த்திக் உஷாரா இருந்துக்கோங்க.. நீங்க பண்ண இந்த தப்புக்கு உங்க வீட்டுக்கு ஆட்டோ இல்ல.. டேங்கர் லாரியே வந்தாலும் ஆச்சர்யப்படறதுக்கில்ல :) ]



நமக்கு குடுத்த இந்த அவார்ட நாம சிலருக்கு குடுக்கனுமாமில்ல.. நாம யாருக்கு குடுக்கறதுன்னு ஒரு லிஸ்ட் போட்டா அது பாட்டுக்கு மளிகை கடை லிஸ்ட் மாதிரி போய்கிட்டே இருக்கு.. சரி.. இப்படி போனா 4 போஸ்ட் ஒன்னா போடற மாதிரி ஆயிடும்.. அதனால ஒரு 3 பேருக்கு மட்டும் அவார்ட குடுப்போம்னு முடிவு பண்ணியாச்சு.. (எல்லாம் நமக்கு நாமே முடிவு பண்ணிக்கற திட்டம் தான் :) )

கூலான ப்ளாக் அப்படின்னு சொன்னவுடனே ஞாபகம் வந்தது நம்ம குசும்பன் பிளாக் தான்.. எப்ப யார் ஏதாவது காமெடியான பதிவு சொல்லுன்னு கேட்டாலும் டக்குன்னு சொல்றது குசும்பனோட பதிவுகள் தான். அதனால இப்பவும் இந்த அவார்ட மொதல்ல வாங்கறவர் அவர் தான் :)

அடுத்த படியா நம்ம கப்பி ப்ளாக் தான் ஞாபகம் வந்துது.. இதை பத்தி மட்டும் தான் எழுதுவார்னு சொல்ல முடியாத அளவுக்கு எல்லாத்த பத்தியும் ரசிக்கும் படியா எழுதக்கூடியவர்.. ஜாவா பாவலர், கப்பி நிலவர், அறிவுஜீவி ன்னு பல பட்ட பெயர்கள் கொண்ட நம்ம கப்பிக்கு இந்த அவார்ட் குடுக்கப்படுகிறது :)

மூனாவதா இந்த அவார்ட் நம்ம திவ்யப்ரியவுக்கு குடுக்க விரும்பறேன்.. இவங்க கதைகளை படிக்க ஆரம்பிச்சு அப்படி மெல்ல மெல்ல மத்த போஸ்டும் படிக்க ஆரம்பிச்சு இப்போ அவங்க ரசிகையாவே மாறியாச்சு :) [இந்த விஷயம் அவங்களுக்கே தெரியாது.. ஏன்னா அவங்க ப்ளாக்ல நான் ரொம்ப அதிசயமா தான் கமெண்டே போடுவேன் :P]

சொல்ல மறந்துட்டேன்.. இந்த ஆட்டத்துக்கு 3 விதிமுறைகள் இருக்காம்..

1. இந்த பட்டாம்பூச்சி படத்த உங்க ப்ளாக்ல போட்டுக்கணுமாம்
2. உங்களுக்கு இந்த பட்டத்த குடுதவங்களுக்கு லிங்க் குடுத்து ஓசி விளம்பரம் குடுக்கணுமாம்.
3. நீங்க யாருக்கெல்லாம் இந்த பட்டத்த குடுக்க போறீங்களோ அவங்க லிங்க் எல்லாம் கரெக்டா குடுதுடனுமாம் :)

எல்லாருக்கும் வணக்கம்.. எப்படி இருக்கீங்க எல்லாரும்? ரொம்ப நாளா இந்த பக்கம் ஏதும் போஸ்ட் இல்லாததால நிம்மதியாவே இருந்திருப்பீங்க.. அப்படியே விட்டிருக்கலாம் தான்.. ஆனாலும் என் தம்பி ஆசைப்பட்டு கேட்டுட்டானே... நேத்து மீட் பத்தி ஒரு போஸ்ட் போடுன்னு.. அவன் ஆசையை நிறைவேத்தாம விட மனசு வரல.. அதான் திரும்பி வந்தாச்சு :)

நம்ம K4K அண்ணாச்சியும், தம்பி கோப்ஸ்-ம் சென்னை வராங்கன்னு சொன்னதுமே குடும்ப மீட் போட்டுடலாம்னு ஒரு மாசம் முன்னாடியே பிளான் பண்ணிட்டோம்.. நவம்பர் 27-ம் தேதி மீட்னு முடிவு பண்ணி K4K அண்ணாச்சி ஓர்குட் ல event எல்லாம் போட்டுடாரு.. சரி.. நம்ம குடும்ப மீட்ட அப்படியே பிளாக்கர் மீட்டா மாத்திடலாம்னு முடிவு பண்ணி நம்ம கில்ஸ், சீவீஆர் எல்லாரையும் லீவ் போட வெச்சாச்சு.. கோப்ஸ் வேற போன் போட்டு ஒரே மிரட்டல்... போன வாட்டி இப்படித் தான் வர சொல்லிட்டு மழை வந்துதுன்னு மீட்ட கேன்செல் பண்ணீங்க.. இந்த வாட்டியும் அப்படி ஏதாவது பண்ணீங்கன்னா அவ்ளோ தான்னு.. அவன் ஊருக்கு வந்த நேரமா என்னனு தெரியல.. நம்ம நிஷா (எங்க ஊர்ல புயலுக்கு கூட பொண்ணுங்க பேர் தான்பா வெக்கறாங்க) தமிழ்நாட்டுக்குள்ள வந்துட்டாங்க.. என்ன புயல் அடிச்சாலும் மீட் போடறது உறுதின்னு எங்களுக்கு நாங்களே சொல்லிக்கிட்டோம் :)

சரி மழைக்கு எல்லாரும் வெளில வரவே ரொம்ப யோசிக்கரதால சிட்டி சென்டர் ல மீட் பண்ணலாம்னு முடிவு பண்ணி 11 மணிக்கு எல்லாரையும் ஆஜர் ஆக சொல்லியாச்சு.. எவ்ளோ மழையா இருந்தாலும் நம்ம scooty நம்மள கை விடாதுன்னு நம்பிக்கையோட வண்டிலயே போயாச்சு.. நல்ல வேலை வண்டி நம்ம நம்பிக்கைய நல்லபடியா காப்பாத்திடுச்சு.. சொன்ன டைம்க்கு நாம என்னைக்கு போயிருக்கோம்.. நான் போனதே 11.30 க்கு தான். பாத்தா நம்ம மக்கள் யாருமே வரல.. சீவீஆர் க்கு போன் பண்ணா இங்க தான் வெளில இருக்கேன்.. எப்படி உள்ள நுழையறதுன்னு தெரியல. எல்லா பக்கமும் தண்ணியா இருக்குங்கறாறு.. எப்படியோ நீச்சல் அடிச்சு உள்ள வந்து சேருங்கன்னு சொல்லிட்டு நம்ம k4k அண்ணாச்சிக்கு போன் பண்ணா அவர், ஆட்டோ இப்போ தான் ஜெமினி தாண்டி இருக்கு.. கொஞ்ச நேரத்துல வந்துடரோம்னு சொன்னாரு. சரின்னு கோப்ஸ் க்கு போன் பண்ணா நான் ஆட்டோ ஏறி 2 மணி நேரம் ஆகுது.. இப்போ தான் கோடம்பாக்கத்துல கிளம்பின ஆட்டோ போத்தீஸ் வந்திருக்கு.. வந்துடறேங்கறான்.. இவங்க கிட்ட எல்லாம் பேசிட்டிருந்த கேப்ல சீவீஆர் வந்தாரு.. கொஞ்ச நேரத்துல K4K வும் வந்து சேர நம்ம கில்ஸ் க்கு போன் பண்ணோம்..

எப்பவும் போல தலைவர் போன் எடுக்கவே இல்ல.. சரின்னு அவர் வீட்டு landline க்கு கால் பண்ணி கேட்டா மொபைல் சைலன்ட் ல இருக்கு,, எனக்கு கொஞ்சம் வேலை இருக்கு.. நீங்க continue பண்ணுங்க.. நான் வேலை முடிஞ்சப்புறம் கால் பண்றேன்.. முடிஞ்சா ஜாயின் பன்றேங்கராறு.. நல்லவனே.. நல்லா இருங்க நீங்கன்னு சொல்லிட்டு, கோப்ஸ் வர்ற வரைக்கும் டைம் போகனுமேன்னு pizza hutla கொஞ்சமா (3 pizza, 1 garlic bread, 4 coke) ஆர்டர் பண்ணிட்டு வெயிட் பண்ணிடிருந்தோம்.. அந்த கேப்ல நம்ம கில்ஸ் கால் பண்ணி வீட்ல கரண்ட் போய்டுச்சு.. நான் மீட்டுக்கே வர்றேன்னு சொல்றாரு.. சரி.. வந்து சேருங்கன்னு சொல்லிட்டு நாம நம்ம pizza வ சாப்பிட ஆரம்பிச்சாச்சு.. சாப்பிட ஆரம்பிச்சது கோப்ஸ்-க்கு தெரிஞ்சுடுச்சு போல.. கரெக்டா வந்துட்டான்..

கொஞ்ச நேரத்துல கில்ஸ்-ம் வந்து சேர, கதை அடிச்சிட்டு போட்டோ எடுத்துட்டு, பீட்டர் படமான Quantum of Solace படத்துக்கு போய் ஒரு 2 மணி நேரம் ஓட்டிட்டு எல்லாரும் வீட்டுக்கு கெளம்பியாச்சு :)

குறிப்பிட பட வேண்டிய தகவல்கள் :

* சீவீஆர் "நான் மழைல நனைந்தாலும் பரவாயில்லை.. என் கேமரா எனக்கு உசுரு.. அதை நனைய விட மாட்டேன்.. அதனால கேமரா கொண்டு வர முடியாது" ன்னு சொல்லிட்டாரு :(

* பக்கத்து டேபிள்ள உட்கார்ந்திருந்த பொண்ணுங்கள நம்ம கோப்ஸ் சைட் அடிக்கவே இல்ல..

* சிட்டி சென்டர் உள்ள வந்தப்புறமும் கில்ஸ் அந்த ஜெர்கின்ன கழட்டாமலே இருந்தாரு.. கழட்டினா அதை கைல தூக்கிட்டு நிக்கற அளவுக்கு அவருக்கு தெம்பில்லையாமாம் :)

* நம்ம K4K அண்ணாச்சி எல்லா எடத்துலயும் வெறும் 1000 ரூபாய் நோட்டு தான் நீட்டராறு.. அதுலயும் எங்க யாரையும் பைசாவே எடுக்க விடாம அவரே தான் எல்லா செலவும் பண்ணாரு.. ரொம்ப நல்லவரு :)

காலத்தின் தடையற்ற ஓட்டத்தில்...
ஓர் நாள் எனக்கு அறிமுகமாகி
சிரித்து பேசி ரசிக்க வைத்து
துரத்தி துரத்தி கலாய்த்து
வீம்பிற்கே வம்பிழுத்து
சேட்டை செய்ய காத்திருக்கும்
நீ இன்றும் என்றும் என் ஆத்மார்த்த தோழன் :-)

உங்க ஃபேவரைட் சாக்லேட் கேக் உங்களுக்காக (ப்ளேட்ல கட் பண்ணி குடுத்த பீஸ் மட்டும் எடுத்துக்கிட்டு இடத்த காலி பண்ணுங்க.. மீதி கேக் எங்களுக்கு :P )






Send this eCard !

வணக்கம் மக்கள்ஸ்.. எல்லாரும் எப்படி இருக்கீங்க? இப்போ நம்ம ப்ளாக் உலகம் முழுக்க ஒரே கல்யாண சீசனா இருக்கு. சரி பரவாயில்ல, நம்ம காட்ல மழைதான்னு சந்தோஷப்பட்டா அதுக்கும் ஆப்பு வைக்கற மாதிரி ஒரே நாள்ல வேற வேற ஊர்ல கல்யாணத்தை வெச்சிடறாங்க. போன வாரமும் இதே கதை தான். பரணிக்கு சிதம்பரத்துல கல்யாணம் அதே நாள்ல ஜெயந்திக்கும் நாமக்கல்ல கல்யாணம். பாவம் நான்.. எங்க போவேன்.. எந்த கல்யாணத்தை அட்டெண்ட் பண்ணுவேன். ஜெயந்தி நல்ல புள்ளையா திங்கட்கிழமை ரிசெப்ஷன் வெச்சிருந்தா. ஓ.கே. அப்போ ஞாயிற்றுகிழமை பரணி கல்யாணம் போயிட்டு திங்கட்கிழமை நாமக்கல்ல ரிசப்ஷன் அட்டெண்ட் பண்ணலாம்னு ப்ளான் போட்டு சனிக்கிழமை நைட் நானும் ராஜியும் சிதம்பரம் கிளம்பிட்டோம். கிளம்பும்போதே நம்ம எம்ஜிநிதி ஃபோன் பண்ணி உங்க பேர்லயே ஹோட்டல்ல ரூம் புக் பண்ணிட்டோம். காலைல வந்ததும் நீங்க ஹோட்டல்லயே பேர சொல்லி கீ வாங்கிக்கலாம்னு சொல்லிட்டாரு. ரொம்ப நன்றிங்க. எனக்காக இன்னோரு உதவியும் பண்றீங்களா? நைட் முழுக்க மாப்பிள்ளைய நல்லா கலாய்ங்க.. தூங்கவிடாதீங்கன்னு சொன்னா அவரு அநியாயத்துக்கு நல்லவரா பாவம்ங்க பரணி. ரொம்ப நல்லவன்.. விட்ருவோம்ங்கறாரு :(



சே.. நம்ம ப்ரெண்ட்ஸ் லிஸ்ட்லயும் இவ்ளோஓஓஓ நல்லவங்களா?? சரி பொழச்சு போங்கன்னு விட்டுட்டோம். காலைல 4 மணிக்கெல்லாம் சிதம்பரம் போயாச்சு. அங்க போய ஹோட்டல்ல ரூம்க்கு போனா.. புக் பண்ணி இருந்த்து டபுள் பெட் ரூம் வித் ஏசி.. ஆஹோ. நமக்கே இதெல்லாம் ஓவரா தெரியுதேன்னு நெனச்சிக்கிட்டே பத்ரமா வந்து சேந்தாச்சுன்னு மக்களுக்கு தகவல் சொல்லிட்டோம். அப்படியே நானும் ராஜியும் கதை அடிச்சிட்டே பொறுமையா கிளம்பி 6 மணிக்கு மேல மண்டபத்துக்கு போனோம். வாசல்லயே நம்ம பரணியும் அவர் தங்கமணியும் நிக்கற போட்டோ போட்டு ஒரு பெரிய பேனர். ஆஹா மாப்பிள்ளைய கலாய்க்க நிறைய விஷயம் இருக்கும் போலன்னு நெனச்சிக்கிட்டே உள்ள நுழைஞ்சோம். அங்க மேடைல மாப்பிள்ளைக்கு ஏதோ பங்ஷன் நடந்துட்டிருந்துது. அங்க இருந்து அவர் ஹாய்-ன்னு கை காட்ட... கை புள்ளா செக்கசெவேல்னு மருதாணி.. அட்ரா.. அட்ரா... மாப்பிள்ளை ரிடர்ன் வந்ததும் எல்லாத்துக்கும் சேத்து வைச்சு கலாய்க்கனும்னு முடிவு பண்ணி எல்லாத்தையும் நோட் பண்ணிக்கிட்டோம் :)

ஜம்முனு ரெண்டு சேர் இருக்கற இடமா பாத்து போய் ஒக்காந்துட்டு எல்லா சடங்கையும் பாத்துட்டிருந்தோம். இப்ப எல்லாம் கல்யாணம்னா மக்கள் எல்லாம் போறது ரிசப்ஷனுக்கு தான். தப்பி தவறி ஏதாவது கல்யாணத்துக்கு போனாலும் ப்ரெண்ட்ஸோட அரட்டைலயே பிஸியா போயிடும் கரெக்டா தாலி கட்ற நேரத்துல மட்டும் மாப்பிள்ளை பொண்ண பாப்போம். இங்க நானும் ராஜியும் மட்டும் தான்றதால முழு கல்யாணத்தையும் பாத்து நடுநடுல இது எதுக்கு பண்றாங்க அது எதுக்கு பண்றாங்கன்னு கேள்வி கேட்டு (ப்ளீஸ் நோட்... கேள்வி மட்டும் தான் கேட்டுக்கிட்டோம். பதில் ரெண்டு பேருக்குமே தெரியலே ;)))) நல்லா என்சாய் பண்ணிட்டிருந்தோம்.. நல்லபடியா கல்யாணம் முடிஞ்சதும் சரி கிப்ட் குடுக்க போலாம்னு எழுந்தா அப்போ தான் எம்ஜிநிதி உள்ள வர்றாரு. அடப்பாவி மக்கா.. இப்போ தான் வர்றீங்களான்னு கேட்டா நான் எப்பவோ வந்துட்டேன் பிண்ணாடி ஓக்காந்துட்டிருந்தேன்.. அது சரி ஏன் இப்படி கிப்ட எல்லாம் கொண்டு வந்தீங்க.. அவன் நம்ம பையன்ங்க. இதெல்லாம் தேவையே இல்லங்கங்கறாரு. இவ்ளோ லேட்டாவா இதெல்லாம் சொல்லுவாய்ங்க :(((

சரின்னு மேடைக்கு போய் கிப்ட குடுத்து மக்கள வாழ்த்திட்டு நம்ம டெஸ்டினேஷனான டைனிங் ஹாலுக்கு போயாச்சு. கரெக்டா சாப்பிட்டு முடிக்கும் போது புலிகிட்ட இருந்து ஃபோன். மண்டபம் எங்க இருக்குன்னு கேட்டு.. பத்திரிக்கைல இருந்த அட்ரெஸ அப்படியே வாசிச்சிட்டு கண்டுபிடிச்சு வந்துடுங்கன்னு சொல்லிட்டோம். அப்புறம் அவர் வந்து மாப்பிள்ளைய போய் வாழ்த்திட்டு வந்ததும் எல்லாரும் கிளம்பிட்டோம். புலி நாகைல இருக்க அதோட குகைக்கு கிளம்ப, ராஜி அவங்க ஊருக்கு கிளம்ப நான் அங்க இருந்து அடுத்த கல்யாணத்த அட்டெண்ட் பண்ண நாமக்கல் கிளம்பிட்டேன் :)

இது யாருன்னு இன்னுமா உங்களுக்கு தெரியல?? எங்கள் செல்ல தேவதை துர்கா தான். அவளுக்கு எங்களோட மனமார்ந்த பிறந்தநாள் வாழ்த்துக்கள் :) உங்க வாழ்த்தையும் கமெண்ட்ல சொல்லிட்டு போங்க :)

போன வருஷம் இதே நாள்ல மே மாசத்துல பொறந்தநாள் கொண்டாடற எல்லாருக்கும் சேத்து ஒரு பதிவு போட்டேன். இந்த வருஷமும் அது மாதிரி எதாவது பதிவு போடலாம்னு பாத்தா பாதி மக்கள ப்ளாக் உலகத்துலயே காணோம்.. அவங்கள கலாய்ச்சு போஸ்ட் போட்டாலும் அவங்க வந்து படிப்பாங்களான்னு கூட தெரியல.. என்ன கொடுமையிது காணாம போன ஏஸ் :((

சரி.. எப்பவும் போடறமாதிரி அமைதியா ஒரு பூங்கொத்தும் கேக்கும் போட்டு நல்லபுள்ளயா வாழ்த்த மட்டும் சொல்லிப்போம் :)

பிறந்தநாள் கொண்டாடும் மக்கள்

12 - மு.கா.
13 - கோல்மால் கோபால்
15 - Prithz
19 - நாமக்கல் சிபி
20 - ஹரீஷ்
23 - பொற்கொடி, Ms.Congeniality
24 - திவ்யா
29 - கே.கே
31 - கில்ஸ்

திருமண வாழ்வில் அடியெடுத்து வைக்கும் மக்கள்

16 - வேதா
18 - பரணி, இம்சை அரசி

எல்லோருக்கும் மனமார்ந்த வாழ்த்துக்கள் :))

தூக்கத்திலும்
தனிமையை நாடுகிறேன்
உன் பெயரை உளறிவிடுவேனோ
என்ற அச்சத்தில்




உன்னைவிட்டு விலகியிருக்கும் நாட்களில்
உன்னருகில் இருக்க துடிக்கும் மனம்
உன்னருகில் இருக்கையிலோ
விலகி நின்று ரசிக்கசொல்லும்
ரகசியமென்னவோ




நேரம் காலம் பார்த்து
உன்னிடம் சொல்ல
ஏனோ விருப்பமில்லை
எனக்குள் தானாய் தோன்றியது போல்
ஓர் நாள் உன்முன் தானாய் வெளிப்படும்
என் காதல்
அந்த நொடிக்காக
காத்திருப்பேன் நான்.

இருங்க இருங்க.. எதுக்கு எல்லாரும் என்னைய அடிக்க வர்றீங்க??? இதெல்லாம் எங்கண்ணன் ராயல் ராம் எடுத்த போட்டோ & எழுதிய கவுஜைஸ்.. அவர் பொறந்தநாள் (19th April) அதுவுமா அவர் புகழ கொஞ்சம் பரப்பலாம்னு பாத்தா உங்களுக்கெல்லாம் பொறுக்காதே.. சரி சரி.. வந்தது வந்துட்டீங்க. எல்லாரும் அவரை மனசார வாழ்த்திட்டு போங்க :)


Send this eCard !

இன்னிக்கு பிறந்தநாள் கொண்டாடும் குட்டி பொண்ணு ரம்யாவுக்கும், சச்சின் கோப்ஸுக்கும் ஸ்பெஷலா இந்த பொக்கே, கார்ட் & கேக் :)

HAPPY B'DAY GOPS

& RAMYA

பி.கு. : போன வருஷம் கோப்ஸுக்கு போட்ட ஸ்பெஷல் போஸ்ட் இங்கே ;)

சூரியனோ சந்திரனோ யாரிவனோ சட்டுனு சொல்லு
சேர பாண்டிய சூரணும் இவனோ
சொல்லு சொல்லு சட்டுனு சொல்லு
(சூரியனோ....)

பாரடி பாரடி யாரடி இவனோ
போஸ்டுகள் போட்டதும் வருபவன் இவனோ
கூறடி கூறடி யாரடி இவனோ
போல்டாய் கமெண்டுகள் போடுபவன் இவனோ

ஏ பல்லேலக்கா பல்லேலக்கா சேலத்துக்கா மதுரைக்கா
மெட்ராசுக்கா திருச்சிக்கா திருத்தணிக்கா
ஏ பல்லேலக்கா பல்லேலக்கா ஒட்டு மொத்த மக்களுக்கா
அண்ணே வந்தா ப்ளாக்கரெல்லாம் அதிருதக்கா

ஆர்கட்டு ஸ்க்ராப்பும் கான்ஃபரன்ஸ் கும்மியும் மறந்து போகுமா?
ஒஹோஹோ.. மொக்கை பதிவுகளும் அள்ளி தந்த கமெண்டுகளும் எண்ணிட முடியுமா?
இந்த வாழ்த்து பதிவு
கே4கே சிறப்பு பதிவு
கமெண்டை நீயும் அள்ளி வழங்கு

ஏ.. சடுகுடு சடுகுடு சடுகுடு சடுகுடு
சடுகுடு சடுகுடு சடுகுடு சடுகுடு
சடுகுடு சடுகுடு ஆடிய கமெண்டுகள்

போடு போடு போடென போட்ட பதிவுகள்
அடி அடி அடியென அடித்த நூறுகள்
சுட சுட சுட சுட வாங்கிய பார்சல்கள்
பட பட படவென போட்ட சண்டைகள்
கட கட கடவென பெருகிய நண்பர்கள்
பர பர பரவென பறந்திட்ட நாட்கள்
சர சர சரவென பொழிந்த மொக்கைகள்
மனதில் இருக்குது மெய் மெய் மெய்
மெய் மெய் மெய்.. மெய்
(சூரியனோ....)

ஏலே.. கே4கே பதிவுகள நீயும் கொஞ்சம் எட்டி பாருலே
கட்சிக்கு உழைத்த உழைப்பை கொஞ்சம் நெஞ்சில் எண்ணிப் பாருலே
கூவும் நம் டேமேஜர் நச்சரிப்பை மறந்து
கொஞ்சம் ப்ளாக் வந்து கும்மிகள் அடிப்போம்
வெறும் வேடிக்கை பார்ப்பதை நிறுத்தி
கமெண்டில் வாழ்த்துக்கள் சொல்வோம்
ட்ரீட்டுகள் கேட்போம்!!

ஆணிகளுக்கு லீவு விட்டு தான் ட்ரீட்டு போகலாமே

பீச்சோரம்.. ஸ்டாரு ஹோட்டலில் நாமும் சேர்ந்து தான் உணவு உண்ணலாமே..
(ஏ.. பல்லேலக்கா... )

ஏலே.. லே..
சந்திரமுகியில் எங்க அண்ணனோட பங்கிருக்கும்
அந்த பெரிய பாம்பு சும்மா வளைஞ்சு நெளிஞ்சு அசத்தும்
ஏலே.. என்றும் அண்ணன் மேல உள்ள எங்க பாசம்
ப்ளாகில் ஸ்பெஷல் போஸ்ட் போட சொல்லி கேட்கும்
உங்க வாழ்த்து கேட்டு போஸ்டு போடும் நேசம்
என்றும் மாறாத பாசம்
ப்ளாகு எங்கும் பேசும்

வாங்கற ட்ரீட்டுக்கு பர்சிலிருக்கும் மொத்த காசும் பறந்து போகும்

பங்காளி.. பக்கத்து இலைகளுக்கு பாயசம் கேட்குற
அன்பு இங்கு வாழும்
(ஏ.. பல்லேலக்கா... )





பி.கு. : அது என்ன K4K க்கு BSP ன்னு தலைப்புன்னு கேக்கறவங்களுக்கு, BSP stands for Birthday Special Post :)