பிரவாகம்

பதிவு எழுதி பல காலம் ஆனதால என்ன எழுதறது எப்படி எழுதறதுனு ஒன்னுமே புரிய மாட்டேங்குது. ஏதோ வர்ற ஃப்ளோல எழுதறேன். ரொம்ப மொக்கையா இருநதா பொறுத்துக்கோங்க :)

போன மாசம் பல ப்ளாக்கர் மீட்டுகள். கோபி வந்திருந்த பொழுது ஒரு முறை கப்பி, ஜே.கேவுடன், ஆயில்யன் வந்திருந்த போது ஒரு முறை கப்பி, கனகு, ஸ்ரீவத்ஸ்-உடன், மற்றோரு முறை முல்லை, தீபா, நான் ஆதவன், அமித்து அம்மா, அமுதா, ஸ்ரீமதி, கனகுவுடன்னு ஜனவரி மாசம் கலகலப்பா போச்சு. இது மட்டும் இல்லாம பழைய அலுவலக மக்களோட அவதார் (3D) & தமிழ்படம் தியேட்டர்ல பாத்து செம் ரகளை. ரெண்டுமே ஈவ்னிங் ஷோ போயிட்டு லேட்டா வந்த்தால வீட்ல நல்ல அர்ச்சனை. இதுக்கெல்லாம் அசந்துடுவோமா நாம?? உஷாரா இந்த வாரம் My name is Khan படத்துக்கு காலைல 9 மணி ஷோக்கு டிக்கெட் போட்டுட்டோமில்ல.. இப்ப என்ன செய்வாங்க.. இப்ப என்ன செய்வாங்க.. :P


நான் கண்டிப்பா எழுதியே ஆகனும்னு நினைச்ச இன்னொரு பதிவு என்னோட கோயம்பத்தூர் பயணம் பத்தி. கூட வர்றேன்னு சொன்ன கில்ஸ் கடைசி நேரத்தில்.. இல்லை இல்லை.. ஒரு வாரம் முன்னதாகவே காலை வாரி விட.. கூட வந்த சிவிஆர் அண்ணாச்சியும் அவர் மனைவியும் அவங்க சொந்தக்காரங்க வீட்டுக்கு அப்பீட் ஆக, ஜி3 அக்கா வராங்கனு பதிவு போட்ட சஞ்சய்யோ பயந்து ஊரை விட்டு ஓடிவிட விடப்பட்டேன் நான் தனிமையில் :( என்ன பண்ணலாம்னு ரொம்ப யோசிக்காம போய் சேந்த கொஞ்ச நேரத்துல நம்ம அனுசுயாக்கு போன போட்டு சேதி சொல்லிட்டு அவங்க வீட்ல ஆஜர் ஆகியாச்சு.சாயந்திரம் வரைக்கும் அவங்க வீட்ல நேரத்தை ஓட்டிட்டு சாயந்திரம் தினேஷோட ரிசப்ஷன் அட்டெண்ட் பண்ணிட்டு நல்லா சாப்டுட்டு (நான்-வெஜ் எல்லாம் போட்டாங்கப்பா :)) ஹோட்ட்லுக்கு வந்து தூங்கியாச்சு. காலைல சமத்தா கல்யாணத்துக்கு போயிட்டு வந்து ரூம்ல உட்கார்ந்து பொழுது போகாம டீவி பாத்துட்டிருந்தேன். புது நம்பர்ல இருந்து ஒரு ஃபோன். நான் மயில் விஜி பேசறேன். சஞ்சய் தான் உங்க நம்பர் குடுத்தாரு. என்ன பண்ணிட்டிருக்கீங்க? வேற ஏதும் ப்ளான் இல்லனா மதியம் வீட்டுக்கு சாப்பிட வாங்கனு கூப்பிட்டாங்க.. அவங்கள முன்னபின்ன எனக்கு தெரியாது. அவங்க ப்ளாக் பக்கம் நான் போனதில்லை. என் பளாக்குக்கும் அவங்க வந்த்தில்லை (அதனால தான் தைரியமா கூப்பிட்டாங்களோ!!!!). சிலர் ப்ளாக்ல அவங்க பின்னூட்டம் மட்டுமே பாத்திருக்கேன். இருந்தாலும் டக்குனு வர்றேனு ஒத்துக்கிட்டேன் (யாருப்பா அது?? சோறு போடறேன்னு கூப்பிட்டதால தானேனு சொல்றது??)ஆனா தெரியாதவங்க வீட்ல இருக்கற மாதிரியே தோணலை. அவங்களும் அவங்க கணவரும் ரொம்ப ஜாலியா பேசினாங்க. கலகலப்பா போச்சு அன்றைய மதியப்பொழுது.இதோ வர்றேன் அதோ வர்றேன்னு சொல்லிட்டிருந்த சஞ்சய் கரெக்டா வழியனுப்ப வந்துட்டாரு :)))


போன வாரத்துல ஒரு நாள் ஸ்ரீவத்ஸ் ஃபோன் பண்ணி ஆர்த்தி கிட்ட ஏரோபேட்டிக்ஸ் ஷோக்கு டிக்கெட் இருக்காம் வர்றீங்களானு கேட்க, நானும் சுறுசுறுப்பா அதைவிட வேற என்ன வேலைனு ஆஜர் ஆகிடறேன்னு சொல்லிட்டேன். என்ன ஷோன்னெல்லாம் எதுவுமே தெரியாது.ஆபீஸ்ல ஃப்ரெண்டு வீக் எண்ட் என்ன ப்ளான்னு கேட்டப்போ இது மாதிரி ம்யூசிக் அகாடமில ஏதோ ப்ரோக்ராமாம்னு சொன்னது தான் தாமதம். உனக்கு டிக்கெட் இருக்கா எப்படி கிடைச்சுதுனு ஏகப்பட்ட கேள்வி. அடடா அப்படி என்ன ஷோனு யோசிச்சப்போ அவங்களே அதுக்கான லிங்க்கும் குடுத்தாங்க. இது தான் அந்த லிங்க். அடடா இப்படி ஒரு சூப்பர் ப்ரோக்ராமுக்கா போறோம்னு ஒரே குஷிதான் போங்க. நான், ஆர்த்தி, ஆர்த்தியோட அம்மா, ஸ்ரீவத்ஸ், அபர்ணா, அபர்ணாவோட பையன் ஆகாஷ்னு எல்லாரும் சனிக்கிழமை அன்னிக்கு 6 மணி ஷோக்கு ஆஜர் ஆகியாச்சு. உள்ள போலாம்னு டிக்கெட்ட நீட்டினா அங்க இருக்கறவரு ஒரு பெரிய குண்ட போட்டுட்டாரு. இது 8.30 மணி ஷோக்கான டிக்கெட்டுங்கனு. அவ்வ்வ்வ்வ்வ்வ்வ்வ்வ்வ்.. சரி வேற வழி இல்லை வெயிட் செஞ்சாவது பாத்துட்டு தான் போகனும்னு நாங்க முடிவெடுக்க அந்த நல்லவரு கொஞ்சம் மனமிறங்கி பரவாயில்ல.. கொஞ்சம் சீட் காலியா இருக்கு. நீங்க போய் பாத்துக்கோங்கனு உள்ள அனுப்பினான்.. எங்கிருந்தாலும் அவன் நீடூழி வாழட்டும் :D ப்ரோக்ராம் பத்தி என்னத்த சொல்ல.. சான்ஸே இல்ல போங்க.. அம்புட்டு சூப்பரா இருந்துது. ஒரு சின்ன ட்ரெய்லர் இங்க பாருஙக :)

அகர முதல எழுத்தெல்லாம் கார்த்திக் அண்ணன்
முதற்றே உலகு..

( அட நிஜமாத்தானுங்க..
நம்பளனா கடவுள் கிட்ட கேட்டு பாருங்க!
மௌனமா இருப்பார். மௌனம் சம்மதம்னு தெரியாதா?
திருவள்ளுவரே இதை எழுத வந்து தான் கொஞ்சம்
hand slip ஆகி மாத்தி எழுதிட்டதா கேள்வி...)

அப்படி பட்ட நம்ம அண்ணனுக்கு
பிறந்த நாளுன்னா சும்ம்மாவா?
சும்மா பட்டைய கிளப்பிட மாட்டோம்!

இன்னைக்கு யார் யாருக்கெல்லாம் லீவ் வேணுமோ அவிக எல்லாம் லீவ் எடுத்துகலாம்
கேட்டா அண்ணா பேர் சொல்லுங்க...

இன்னைக்கு யார் யாருக்கு எல்லாம் ஏதும் பொருள் வாங்கனுமோ.. அதை வாங்கிகலாம்.
(நீங்க தான் காசு கொடுக்கனும்.. அப்புறம்.. அதையும் நாளைக்கா கடைல ரிடர்ன் செய்திடனும்)

A for Apple,
B for Ball
வரிசையில
நம்மளுக்கு எல்லாம்
ஒரு புது மேட்டர் சொல்லி கொடுத்த
நம்ம அண்ணன்
k for Karthik
பிறந்தநாள் இன்னைக்கு!

உபயம் - தினேஷ் 2 வருஷத்துக்கு முன்னாடி சங்கத்துல போட்ட பதிவு :))




அண்ணன் பொறந்தநாளுக்கான ஸ்பெஷல் பாட்ட இங்க போய் பாருங்க :)

வணக்கம் மக்களே.. எல்லாரும் எப்படி இருக்கீங்க? புது வருஷம் உங்க எல்லாருக்கும் எப்படி ஆரம்பிச்சுது? நான் ரொம்ப புத்திசாலி மாதிரி எப்படியும் 12 மணிக்கு தான் நெட்வொர்க் டவுன் ஆகிடுமே.. ஏன் வீனா முழிசிருக்கணும்னு 9.30 மணிக்கெல்லாம் சமத்தா தூங்க போயிட்டேன்.. ஆனாலும் நம்ம மக்கள் எல்லாம் ரொம்ப நல்லவங்க.. 10 மணிக்கே என்னை எழுப்பி போன்ல மொக்க போட ஆரம்பிச்சிடாங்க.. சரி தூங்க விட மாட்டாங்க போலனு நானும் 11.30 வரை மொக்கை போட்டுட்டு மறுபடி தூங்க போனேன்.. திரும்பவும் என்னை தூங்கவிடாம 12.15க்கு அடுத்த போன்.. தூக்க கலக்கத்துல பேசினதுல ஏகப்பட்ட பல்பு வாங்கினேன்னு தனியா வேற சொல்லனுமா :(( ஆக மொத்ததுல்ல பல புல்புகளுடன் என் புத்தாண்டு ரொம்பவே பிரகாசமா ஆரம்பிச்சிருக்கு :D வருஷம் முழுக்க இப்படியே தொடராம மத்தவங்களுக்கும் நான் நெறைய பல்புகள் வாரி வழங்கற மாதிரி அமைஞ்சா இன்னும் சந்தோஷமா இருக்கும் :D

உங்கள் அனைவருக்கும் என் மனமார்ந்த புத்தாண்டு வாழ்த்துக்கள் :D