ரொம்ப நாள் கழிச்சு பெசன்ட் நகர் பீச் போயிருந்தோம்.. பௌர்ணமி முழு நிலவு வெளிச்சத்துல கடல் செம சூப்பரா இருந்துது. பெரிய அலைகள பாகவே மனசுக்கு ரொம்ப சந்தோஷமா இருந்துது. கூட வந்த நண்பர்கள் யாரும் தண்ணில நிக்க விருப்பப்படலை. சரி நாம தனியா போய் நிக்கனுமான்னு யோசிச்சேன். ஆனா கொஞ்ச நேரத்துக்கு மேல டெம்ப்டேஷன் தாங்க முடியலை. நீங்க வந்தா வாங்க வராட்டி போங்கனு விட்டுட்டு நான் பாட்டுக்கு ஜாலியா தண்ணில நிக்க ஆரம்பிச்சிட்டேன்.. சில்லுனு கால்ல அந்த அலைகள் வந்து பட்டதும் இருந்த சந்தோஷம் இருக்கே.. சான்சே இல்லைங்க.. சூப்பரா இருந்துது.. அதுலயும் என்னோட வலது பக்கம் ஒரு பாமிலி நின்னுட்டிருந்தாங்க.. அப்பா அம்மா & ஒரு குட்டி பொண்ணு. அந்த அப்பாவும் அம்மாவும் சேந்து அந்த குட்டி பொண்ணுக்கு வெளையாட்டு காடிடிட்டிருந்தது நல்லா இருந்துது.. இவங்க இப்படினா என்னோட இடது பக்கம் 2 குட்டீஸ் 2 பெரிய பசங்க (காலேஜ் போறவங்க மாதிரி இருந்தாங்க). அந்த 2 பெரிய பசங்களும் இந்த குட்டி பசங்களுக்கு தண்ணில ஆட்டம் காட்ட.. சின்ன அலைகள் வர்றப்போ முன்னாடி போறதும் பெரிய அலை வரும்போது பின்னாடி ஓடி வர்றதும்.. அலை அடிக்கும் போது சந்தோஷ கூச்சல் போடறதும்னு கலாட்ட செஞ்சிட்டிருந்தாங்க. இவங்க அந்த பசங்கள தண்ணில ஆடம் போட வைக்க அந்த பசங்களோட அம்மா பின்னாடி இருந்து அவங்கள திட்டிடிருக்கனு ஒரே ரகளை தான். மனசு ரொம்ப சந்தோஷமா இருந்துது..
பி.கு. : ஹிஹி.. இந்த ரெண்டு போட்டோவும் வழக்கம் போல நம்ம போடோக்ராப்பர் நண்பர் எடுத்து தான். SLR கேமரா இருந்தா நல்ல இருக்கும்னு பீல் பண்ணிட்டிருந்தார் :))))
